حالت نشہ میں گاڑیاں چلانے والوں کیخلاف مہم، آٹوڈرائیور کی ہلچل

حیدرآباد: حالت نشہ میں گاڑیاں چلانے والوں کے خلاف جاری ٹریفک پولیس کی مہم کے دوران شہرحیدرآباد کے چمپاپیٹ علاقہ میں ایک شرابی نے ہلچل مچادی۔

بدھ کی شب چمپاپیٹ علاقہ میں میرچوک کے ٹریفک انسپکٹرنعیم الدین اورسب انسپکٹرامرناتھ ریڈی کی قیادت میں یہ مہم چلائی جارہی تھی کہ اسی دوران ٹریفک پولیس نے ایک آٹو کو روکنے کی کوشش کی۔

آٹوڈرائیور نے بغیر رکے آگے بڑھتے ہوئے سامنے کھڑے پولیس ملازمین کی طرف گاڑی چلائی۔

جب آٹو کو روک کر ڈرائیور کی جانچ کی گئی تو پتہ چلا کہ ڈرائیور نے شراب پی رکھی تھی۔اس نے ملازمین پولیس سے بحث وتکرار شروع کردی۔

پولیس نے آٹوضبط کرلیا اورایک معاملہ درج کرلیا۔