چندرابابو کی گرفتاری کے خلاف حیدرآباد میں مومی شمعوں کی ریلی

حیدرآباد: اسکل ڈیولپمنٹ اسکام میں آندھراپردیش کے سابق وزیراعلی و تلگودیشم پارٹی کے قومی صدراین چندرابابونائیڈو کی گرفتاری کو غیرقانونی قراردیتے ہوئے شہرحیدرآباد کے امیرپیٹ میں آئی ٹی ملازمین نے کل شب مومی شمعوں کی ریلی نکالی۔

ریلی کا آغازکیرتی اپارٹمنٹ سے ہوا۔ان احتجاجیوں نے ہاتھوں میں مومی شمعوں کے ساتھ ساتھ پلے کارڈس تھام کر نعرے بازی کی اور چندرابابونائیڈو کو فوری رہا کرنے کامطالبہ کیا۔

ریلی میں آئی ٹی ملازمین کی بڑی تعداد نے شرکت کی۔بعد ازاں ریلی کا اختتام این ٹی راما راو کے مجسمہ پر ہوا۔

احتجاجیوں نے ان کے مجسمہ پر پھول نچھاور کئے اور چندرابابونائیڈو سے ہوئی ناانصافی کی مذمت کی۔