سابق وزیر اعلی تلنگانہ کو ہائی کورٹ کا دھکہ، نرسمہا ریڈی کمیشن کیخلاف دائر درخواست خارج

حیدرآباد: تلنگانہ کی اصل اپوزیشن جماعت بی آرایس کے سربراہ و سابق وزیراعلی کے چندر شیکھر راو کو تلنگانہ ہائی کورٹ نے دھکہ پہنچاتے ہوئے ان کی درخواست کو خارج کردیا۔

انہوں میں اُس وقت کی بی آرایس حکومت کی جانب سے چھتیس گڑھ سے بجلی کی خریداری کے معاہدہ کی جانچ کیلئے موجودہ کانگریس حکومت کی جانب سے تشکیل دیئے گئے جسٹس ایل نرسمہا ریڈی کمیشن کی کارروائی کو روکنے کی حکومت کو ہدایت دینے کی عدالت سے خواہش کی تھی۔

مسٹر راؤ، جنہوں نے مسلسل دو میعاد وزیراعلی کی حیثیت سے خدمات انجام دیں، کمیشن کی تشکیل کو چیلنج کرتے ہوئے 25 جون کو ایک رٹ درخواست دائر کی تھی اور کہا تھا کہ کمیشن کا قیام کمیشن آف انکوائری ایکٹ 1952 اور الیکٹرسٹی ایکٹ 2003 کی دفعات کے خلاف ہے۔

اس معاملہ میں ہائی کورٹ نے ان کے وکلاء کے دلائل سے اتفاق نہیں کیا اور ایڈوکیٹ جنرل کے دلائل سے اتفاق کیا۔ بنچ نے کہا کہ بجلی کمیشن تحقیقات جاری رکھ سکتا ہے۔