ویڈیو: سڑک پر نماز عید، 200 افراد کے خلاف کیس

میرٹھ (یوپی): سڑک پر نماز ِ عید ادا کرنے پر میرٹھ میں 200 افراد کے خلاف معاملہ درج کیا گیا۔ ان پر ٹریفک میں خلل ڈالنے کا الزام ہے۔ پولیس نے ہفتہ کے دن یہ بات بتائی۔

مسجد میں جگہ نہ ہونے کی وجہ سے لوگوں نے سڑک پر نماز ِ عید ادا کی تھی۔ پولیس نے جب انہیں روکنے کی کوشش کی تو انہوں نے مبینہ طورپر بحث و تکرار کی۔

سب انسپکٹر ریلوے روڈ پولیس اسٹیشن نے جمعہ کے دن شکایت درج کرائی کہ 100 تا 200 افراد نے جمعرات کو سڑک پر نماز ِ عید ادا کی جس کی وجہ سے ٹریفک جام ہوگئی تھی۔

سینئر سپرنٹنڈنٹ پولیس روہت سنگھ سجوان نے یہ بات بتائی۔ انہوں نے کہا کہ ایف آئی آر نامعلوم افراد کے خلاف درج ہوئی۔ ہماری ٹیمیں سی سی ٹی وی فوٹیج کی مدد سے ملزمین کی شناخت کی کوشش کررہی ہیں۔