اے پی کے سابق وزیر پی نانی کے خلاف مقدمہ درج

حیدرآباد: اے پی کے سابق وزیر پی نانی کے خلاف مچھلی پٹنم کے آر۔پیٹ پولیس اسٹیشن میں مقدمہ درج کیا گیا ہے۔ وائی ایس آر کانگریس پارٹی کے اجلاس میں نانی کی جانب سے کیے گئے مبینہ نامناسب بیانات پر کارروائی کا مطالبہ کرتے ہوئے تلگودیشم لیڈروں نے پولیس سے شکایت کی۔

پولیس نے زیرو ایف آئی آر کے تحت نانی کے خلاف مقدمہ درج کیا۔ بتایا جا رہا ہے کہ رواں ماہ 11 تاریخ کو منعقدہ وائی ایس آر سی پی کارکنوں کے اجلاس میں نانی نے کارکنوں کو اشتعال دلانے والے بیانات دیے۔ ان کے ریمارکس سوشل میڈیا پر تیزی سے وائرل ہوگئے۔

انہوں نے مزید کہا کہ جب ہم اقتدار میں آئیں گے تو اب جو لوگ غلط کر رہے ہیں، ان کے خلاف کارروائی کریں گے۔ انہوں نے مبینہ طور پر اپوزیشن اتحاد کے لیڈران اور کارکنوں کو نشانہ بنانے کا اشارہ دیتے ہوئے بالواسطہ دھمکیاں دی تھیں۔