چیف منسٹر ریونت ریڈی سے مرکزی ٹیم کی ملاقات

حیدر آباد: مرکزی ٹیم سے جو ریاست کے سیلاب زدہ مقامات میں نقصانات کا جائزہ لینے حیدر آباد پہونچی تھی، چیف منسٹر اے ریونت ریڈی نے جمعہ کے روز ملاقات کی۔

یہاں سکریٹریٹ میں منعقدہ اجلاس کے دوران چیف منسٹر نے کہا کہ بارش اور سیلاب سے ریاست کو بڑے پیمانے پر نقصان ہوا ہے۔

ریڈی نے کہا کہ ریلیف کاموں کے لئے فوری اثر کے ساتھ غیر مشروط مالی امداد کی فراہمی ضروری ہے۔ سرکاری اعلامیہ کے مطابق چیف منسٹر چاہتے ہیں کہ مستقبل میں سیلاب سے نقصانات کو روکنے کے لئے ایک خصوصی فنڈس قائم کرنا چاہتے ہیں۔

ریڈی نے مرکزی حکومت پر زور دیا کہ اس مسئلہ کے مستقل حل کے لئے عملی منصوبہ واضح کرے۔ مرکزی ٹیم‘ تین دنوں میں ریاست کے سیلاب سے متاثرہ علاقوں کا دورہ کیا۔ اس ٹیم نے دو دن قبل چیف سکریٹری شانتی کماری سے ملاقات کی تھی۔