چئیرمین بی سی کمیشن شری جی نرنجن اور عثمان بن محمد الھاجری کا لنگرہاوز ڈیویزن کا دورہ

حیدرآباد: چئیرمین بی سی کمیشن شری جی نرنجن اور انچارج حلقہ اسمبلی کاروان جناب عثمان بن محمد الھاجری نے لنگرہاوز ڈیویزن کا دورہ کیا اور طبقاتی سروے کے عمل کو مکمل اور شفاف بنانے کی کوششوں کا آغاز کیا۔

اس موقع پر جناب عثمان بن محمد الھاجری نے گھر گھر جا کر عوام سے ملاقات کی اور اس بات کو یقینی بنایا کہ بی سی طبقے کے افراد کے نام سروے میں شامل ہوں، خاص طور پر جن کے نام کسی وجہ سے شامل نہیں ہو سکے تھے۔

انہوں نے اس بات کی اہمیت پر زور دیا کہ سروے کی آخری تاریخ 28 فروری ہے، اور عوام سے درخواست کی کہ جو لوگ کسی وجہ سے سروے میں شامل نہیں ہو سکے، وہ 28 فروری تک اپنے نام کا اندراج کروائیں تاکہ کسی بھی فرد کا حق ضائع نہ ہو۔

اس دورے میں سینئر کانگریس قائدین پرمانندم، اعظم خان، سی ایچ شنکر، اکولہ چندرشیکھر، سرینیواس سینو، جگن گوڑ، عبداللہ بن عثمان الھاجری، محمد سلیم، سنتوش گوڑ، علی بن عثمان الھاجری، چنٹی بابو، وینو گوڑ، کروکلا کرشنا، گری بابو، مادھوی، شکیلہ اور کانگریس پارٹی کے سیکڑوں کارکنوں نے شرکت کی اور عوام سے درخواست کی کہ وہ سروے میں اپنے ناموں کا اندراج کروائیں۔