کانگریس کی کامیابی اور بی جے پی کے بہتر مظاہرہ پر 2 دکانات میں 100روپئے میں چکن

حیدرآباد: تلنگانہ میں کانگریس کی حالیہ انتخابات میں کامیابی اور بی جے پی کے بہتر مظاہرہ پر دوچکن کی دکانات میں 100روپئے کل چکن فروخت کیاگیا جس کو حاصل کرنے کیلئے عوام کی طویل قطاریں دیکھی گئیں۔یہ واقعہ تلنگانہ کے ضلع نظام آباد میں پیش آیا۔یہ سہولت ان دکانات کے مالکین کی جانب سے صرف ایک ہی دن اتوار کو دی گئی۔

ایک دکاندار نے اس تلگوریاست میں تقریبا دس سال بعد کانگریس کی اقتدارپرواپسی اور دوسرے چکن سنٹر کے مالک نے ریاست میں زعفرانی جماعت کے بہتر مظاہرہ کی خوشی میں یہ سہولت عوام کے مفاد میں رکھی۔مقامی افراد نے ایک ہی دن کے لئے اس پیشکش کا فائدہ اٹھایا اور100روپئے میں چکن کی خریداری کی۔