چیف منسٹر تلنگانہ سے ملاقات کیلئے گو اسے حیدرآباد پہنچے این آرآئی کوآٹوڈرائیور نے لوٹ لیا

حیدرآباد: چیف منسٹر تلنگانہ ریونت ریڈی سے ملاقات کیلئے گوا سے حیدرآبا دپہنچے ایک این آر آئی کو آٹو ڈرائیور نے اپنے ساتھیوں کے ساتھ مل کر لوٹ لیا۔یہ واردات حیدرآباد کے متھرا نگرمیں پیش آئی۔تفصیلات کے مطابق ایس سلوانامی شخص ریونت ریڈی کا مداح ہے جو گوا سے ان سے ملاقات کیلئے تلنگانہ کے دارالحکومت پہنچا تھا۔

چیف منسٹر سے ملاقات کا موقع نہ ملنے کی وجہ سے وہ جمعہ کی رات واپسی کیلئے جوبلی ہلز سے سکندرآباد جانے کے لیے آٹو میں سوار ہوا۔ اس نے آٹو ڈرائیور سے کہا کہ اس کے پاس ہندوستانی کرنسی نہیں ہے، اسے یورو کرنسی کا تبادلہ کرنا ہے۔

آٹو ڈرائیور نے رات 11 بجے اپنے دوستوں کو یوسف گوڑہ کے قریب بلاکر اس شخص کو سنسان مقام پر لے جاکر اس پر حملہ کرتے ہوئے اس سے غیر ملکی 1200 یورو کی کرنسی، لیپ ٹاپ اور موبائل فون چھین لیا۔ این آرآئی کی شکایت پر پولیس نے مقدمہ درج کر کے جانچ شروع کردی۔