تلنگانہ کے نئے سرکاری نشان پر وزیراعلی کا آرٹسٹ سے تبادلہ خیال

حیدرآباد: وزیراعلی تلنگانہ سے آج آرٹسٹ آرراجیش نے ملاقات کی۔ذرائع کے مطابق ا س ملاقات میں ریاست کے نئے سرکاری نشان پر تبادلہ خیال کیاگیا۔

اس موقع پر ریونت ریڈی نے کئی نمونوں کامعائنہ کیا۔ وزیراعلیٰ نے حتمی ماڈل پر کئی تجاویز پیش کیں۔

دوسری طرف سیاسی رہنماؤں اور دانشوروں نے ریاستی حکومت سے ریاست کے سرکاری نشان کو تبدیل نہ کرنے کی التجا کی۔

تلنگانہ کے مخفف ٹی ایس کو پہلے ہی حکومت نے ٹی جی کردیا ہے۔

ریاستی حکومت نے ٹی ایس کی جگہ ٹی جی نافذ کرنے کے احکامات جاری کئے ہیں جس کے بعد تمام سرکاری دفاتر، ادارے، ایجنسیاں، خود مختار ادارت، کارپوریشنس، ویب سائٹس، آن لائن پلیٹ فارم اور کوئی بھی دیگر سرکاری مواصلات بھی ٹی ایس کے بجائے ٹی جی تلنگانہ مخفف کے لئے کررہے ہیں۔