چیف منسٹر کی طبعیت ناسازوائرل بخارسے متاثر

حیدرآباد: چیف منسٹر تلنگانہ کے چندر شیکھرراؤ کی طبعیت نا سازہوگئی ہے۔ چیف منسٹر کے فرزند اور وزیر انفارمیشن ٹیکنالوجی کے ٹی  راما راؤ نے منگل کو سوشل میڈیا پلٹ فارم ایکس پر ٹویٹ کرتے ہوئے کہا کہ چیف منسٹر گزشتہ  ایک ہفتہ سے وائرل بخار اور کھانسی میں مبتلا ہیں۔

انہوں نے کہا کہ ڈاکٹرس چیف منسٹر کا   گھر پر علاج کر رہے ہیں اور ڈاکٹروں کی ٹیم ان کی صحت پر گہری نظر رکھے ہوئے ہے۔ کے ٹی آر نے ٹویٹ کیا کہ ڈاکٹروں نے کہا کہ وہ کچھ دنوں میں ٹھیک ہو جائیں گے اور معمول کی سرگرمیاں بحال ہو جائیں گی۔