کولگام میں سیکورٹی فورسز اور ملی ٹنٹوں کے درمیان جھڑپ شروع

سری نگر: جنوبی کشمیر کے ضلع کولگام کے کڈر علاقے میں سیکورٹی فورسز اور ملی ٹنٹوں کے درمیان انکائونٹر جاری ہے۔

کشمیر زون پولیس نے جمعرات کی صبح ‘ایکس’ پر ایک پوسٹ کے ذریعے جانکاری فراہم کرتے ہوئے کہا: ‘کولگام کے کڈر علاقے میں انکائونٹر شروع ہوا ہے’

انہوں نے کہا کہ پولیس اور سیکورٹی فورسز کام پر لگے ہوئے ہیں۔

قبل ازیں ذرائع نے بتایا کہ ملی ٹنٹوں کے چھپنے کے بارے میں مصدقہ اطلاع ملنے پر سیکورٹی فورسز نے کولگام کے کڈر علاقے کو محاصرے میں لے کر تلاشی آپریشن شروع کر دیا۔

انہوں نے کہا کہ جوں ہی تلاشی آپریشن کی ایک پارٹی مشتبہ مقام کے نزدیک پہنچی تو وہاں چھپے ملی ٹنٹوں نے اس پر فائرنگ شروع کردی جس کے نتیجے میں طرفین کے درمیان تصادم چھڑ گیا۔