اسٹرانگ رومس پر مسلسل نظررکھنے کلکٹر حیدرآباد کی مسلح فورسس سے خواہش

حیدرآباد: ضلع کلکٹر حیدرآباد انودیپ دوری شیٹی نے مرکزی مسلح فورسس سے خواہش کی کہ وہ اسٹرانگ رومس پر مسلسل نظر رکھیں۔ جہاں پر 4جون کی ووٹوں کی گنتی کے لئے ای وی ایمس کو رکھا گیا ہے۔ انہوں نے نامپلی کے نمائش گراؤنڈ کے کملا نہرو پالی ٹیکنک میں رکھے گئے ای وی ایمس کا معائنہ کیا۔

 یہ ای وی ایمس حلقہ اسمبلی چارمینار کے ہیں۔ کلکٹر نے ان اسٹرانگ رومس کی 24 گھنٹے نگرانی کی ضرورت پر زور دیا۔ انہوں نے کہا کہ اسٹرانگ رومس میں سی سی ٹی وی کیمرے لگائے گئے ہیں، تاکہ مسلسل نظر رکھی جاسکے۔

مرکز کے مسلح دستے اسٹرانگ رومس کی نگرانی کررہے ہیں۔ شہر حیدرآباد اور نواحی علاقوں میں بیشتر مقامات پر بنائے گئے اسٹرانگ رومس میں حیدرآباد پارلیمانی حلقہ کے ای وی ایمس رکھے گئے ہیں۔