کسانوں کے معاملے پر کانگریس ہنگامہ

نئی دہلی: کانگریس اور کچھ دیگر اپوزیشن جماعتوں نے بدھ کو راجیہ سبھا میں کسانوں کے معاملے پر ہنگامہ کیا۔

چیرمین جگدیپ دھنکھرڑنے صبح ایوان کی میز پر ضروری دستاویزات رکھنے کے بعد وقفہ صفر کے دوران ’چیئرمین کی اجازت سے اٹھائے گئے معاملے‘ کے تحت متعلقہ رکن کا نام پکارا تو کانگریس اور اپوزیشن پارٹیوں کے ارکان کسانوں کو کم از کم امدادی قیمت کی گارنٹی دینے کا مطالبہ کرتے ہوئے نعرے بازی کرنے لگے۔

جب کانگریس کے ارکان نعرے لگاتے ہوئے اسپیکر کی نشست کے سامنے آئے تو مسٹر دھنکھڑ نے ان ارکان کے نام کی نام کی نشاندہی کرنے کا انتباہ دیا۔

اس کے بعد کانگریس کے پرمود تیواری نے کہا کہ کسانوں کے معاملے پر ایوان میں بحث ہونی چاہئے اور حکومت کو ان کے مسائل حل کرنے کی ہدایات دینی چاہئے۔ اس کے بعد بھی کانگریس کے ارکان ایوان میں کچھ دیر ہنگامہ کرتے رہے۔