بنیان کی خفیہ جیبوں میں چھپا کرلایاگیا دیسی شراب گڑمبہ ضبط۔ایک شخص گرفتار

حیدرآباد: بنیان کی خفیہ جیبوں میں چھپا کرلائے گئے دیسی شراب گڑمبہ کو عادل آباد ریلوے اسٹیشن پر پولیس نے ضبط کرلیا اور اس سلسلہ میں ایک شخص کو حراست میں لے لیا۔

اس شخص کی شناخت ضلع عادل آباد کے منسیوار علاقہ سے تعلق رکھنے والے جی مانی کے طورپر کی گئی ہے جس نے دیسی شراب کو چھپانے کیلئے اپنی بینان میں 54جیب بنوائے تھے۔

اس کی مدد سے وہ پڑوسی ریاست مہاراشٹرسے دیسی شراب کی اسمگلنگ کرتا تھا۔

تلنگانہ کا عادل آباد ضلع، مہاراشٹرسے متصل ہے۔پولیس نے اس کے پاس سے 48چھوٹی بوتلیں ضبط کیں۔اس کی ویڈیو سوشیل میڈیا پر وائرل ہوگئی۔