کرکٹر رنکو سنگھ کے والد کا انتقال
اہل خانہ کے مطابق ان کی حالت گزشتہ چند دنوں سے تشویشناک تھی۔ رنکو سنگھ اپنے والد کی تشویشناک حالت کی اطلاع ملنے کے بعد فوراً گھر واپس آگئے تھے۔ خاندانی وجوہات کے باعث وہ 26 فروری کو زمبابوے کے خلاف میچ میں شرکت نہیں کر سکے تھے۔
گریٹر نوئیڈا: ہندوستانی کرکٹ ٹیم کے ابھرتے ہوئے بلے باز رنکو سنگھ کے والد کھان چند سنگھ کا انتقال ہوگیا ہے۔ وہ کافی عرصے سے جگر کے کینسر میں مبتلا تھے۔
ان کی طبیعت بگڑنے پر انہیں گریٹر نوئیڈا کے یتھارتھ اسپتال میں داخل کرایا گیا تھا، جہاں علاج کے دوران انہیں وینٹی لیٹرسپورٹ پر رکھا گیا تھا۔
اہل خانہ کے مطابق ان کی حالت گزشتہ چند دنوں سے تشویشناک تھی۔ رنکو سنگھ اپنے والد کی تشویشناک حالت کی اطلاع ملنے کے بعد فوراً گھر واپس آگئے تھے۔ خاندانی وجوہات کے باعث وہ 26 فروری کو زمبابوے کے خلاف میچ میں شرکت نہیں کر سکے تھے۔
کھان چند سنگھ کی موت کی خبر ملتے ہی خاندان میں غم کی لہر دوڑ گئی۔ اہل خانہ آخری رسومات کی تیاریاں کررہے ہیں۔
مقامی لوگوں سمیت مشہور شخصیات اور سیاست دان بھارتی بلے باز رنکو سنگھ کے والد کے انتقال پر تعزیت اور تسلی کے لیے شامل ہو رہے ہیں۔
کھیلوں کی دنیا سے وابستہ کئی کھلاڑیوں، شائقین اور خیر خواہوں نے رنکو سنگھ اور ان کے اہل خانہ سے اپنی گہری تعزیت کا اظہار کیا ہے۔ سوشل میڈیا پر بھی لوگ آنجہانی کی آتما کی شانتی کے لیے دعا کررہے ہیں۔
