حیدرآباد کے موسی پیٹ میں گودام میں خطرناک آگ لگ گئی

حیدرآباد: حیدرآباد کے موسی پیٹ میں گودام میں بڑے پیمانہ پرآگ لگنے کا واقعہ پیش آیا۔ ہفتہ کی صبح گڈز شیڈ روڈ پر واقع انڈین کنٹینرس کارپوریشن ڈپو میں اچانک آگ بھڑک اٹھی۔

گودام میں موجود کیمیکل سکشن میں آگ لگنے سے بڑی مقدار میں آتش گیرمواد پھیل کرپھٹنے لگا جس کے نتیجہ میں علاقہ میں دھواں پھیل گیا۔

اطلاع ملتے ہی پولیس اور فائر بریگیڈ کی ٹیمیں موقع پر پہنچ گئیں اور آگ پر قابو پانے کی کوششوں کاآغازکردیا۔ آگ لگنے کی وجوہات معلوم نہیں ہو سکیں۔