ڈیوڈ وارنر کی گمشدہ بیگی گرین کیپ مل گئی
وارنر نے ویڈیو پیغام کے ساتھ لکھاکہ ’’ہیلو، میں آپ سب کو یہ بتاتے ہوئے بہت خوش اور راحت محسوس کر رہا ہوں کہ میری بیگی گرین کیپ مل گئی ہے، جو کہ بہت اچھی خبر ہے۔
سڈنی: آسٹریلیائی بلے باز ڈیوڈ وارنر نے جمعہ کو کہا کہ انہیں اپنی کھوئی ہوئی ‘بیگی گرین کیپ’ (ٹیسٹ کیپ) مل گئی ہے۔ وارنر نے آج صبح سوشل میڈیا پر اصلی بیگی گرین پکڑے ہوئے ایک ویڈیو پوسٹ کی اور اسے ڈھونڈنے میں شامل افراد کا شکریہ ادا کیا۔
انہوں نے ویڈیو پیغام کے ساتھ لکھاکہ ’’ہیلو، میں آپ سب کو یہ بتاتے ہوئے بہت خوش اور راحت محسوس کر رہا ہوں کہ میری بیگی گرین کیپ مل گئی ہے، جو کہ بہت اچھی خبر ہے۔‘‘ انہوں نے کہا کہ "اس میں شامل تمام لوگوں کا شکریہ اور میں بے حد مشکور ہوں۔ کنٹاس، فریٹ کمپنی، ہمارے ہوٹل اور ٹیم مینجمنٹ کا۔”
انہوں نے ویڈیو میں کہاکہ ’’کوئی بھی کرکٹر جانتا ہے کہ اس کی کیپ کتنی خاص ہے اور میں اسے ساری زندگی سنجو کر رکھوں گا۔‘‘کرکٹ آسٹریلیا کے ترجمان نے کہا کہ جس بیگ میں بیگی گرین رکھا گیا تھا وہ ٹیم ہوٹل (سڈنی میں) سے ملا جس میں تمام اشیاء موجود تھیں۔
تاہم، انہیں یہ کیسے حاصل ہوا یہ اب بھی ایک معمہ ہے۔ انہوں نے کہا کہ منگل سے متعدد مقامات پر سی سی ٹی وی فوٹیج کی وسیع تلاش اور جائزہ لینے اور متعدد لوگوں کی کوششوں کے باوجود یہ معلوم نہیں ہو سکا کہ گمشدہ بیگ وہاں کیسے پہنچا۔ واضح رہے کہ اس ہفتے کے شروع میں میلبورن سے سڈنی کے سفر کے دوران وارنر کا بیگ جس میں بیگی گرین تھا غائب ہو گیا تھا۔
