مکتھل میں یتی نرسنگھا نند کے خلاف گستاخی پر کارروائی کا مطالبہ، جمعیتہ علماء کا احتجاج

مکتھل: آج مکتھل میں یتی نرسنگھا نند سوامی کی جانب سے شان رسالت صلی اللہ علیہ وسلم میں گستاخی کے خلاف جمعیتہ علماء مکتھل ضلع نارائن پیٹھ کے ذمہ داران اور مسلم نوجوانوں نے سخت احتجاج کرتے ہوئے فوری گرفتاری اور کیس درج کرنے کا مطالبہ کیا۔

اس سلسلے میں سب انسپکٹر پولیس مکتھل مسٹر وائ بھاگیہ لکشمی ریڈی کو ایک میمورنڈم پیش کیا گیا۔

اس وفد کی قیادت مولانا حافظ عبد القوی حسامی صدر ضلع جمعیتہ علماء کر رہے تھے، جبکہ ان کے ساتھ مولانا عبد الحمید رشادی جنرل سیکریٹری، قاضی محمد شہاب الدین، الحاج نورالدین صدر مسجد نور، انور حسین کونسلر، عبد المنان مسجد شریفہ، محمد شرف الدین، اصغر علی سابق کونسلر، صادق حسین، عاصم حسین، حافظ محمد سہیل نظامی، محمد حسام الدین اور محمد جاوید سمیت دیگر نوجوان بھی موجود تھے۔

مظاہرین نے مطالبہ کیا کہ نرسنگھا نند سوامی کے خلاف فوری کارروائی کی جائے اور ان کی گرفتاری عمل میں لائی جائے تاکہ مسلمانوں کے جذبات مجروح نہ ہوں۔