خاتون ڈپٹی کلکٹر کے کمرہ میں گھسنے کی کوشش، نائب تحصیلدار گرفتار

حیدرآباد: آندھراپردیش کے ضلع گنٹورمیں خاتون ڈپٹی کلکٹر کے کمرہ میں گھسنے کی کوشش کرنے والے زیر تربیت نائب تحصیلدار کو گرفتار کرلیاگیا۔تفصیلات کے مطابق ستیش نامی نوجوان ضلع گنٹور کے اے پی ایچ آر ڈی آئی ٹریننگ سنٹرمیں نائب تحصیلدار کے طور پر تربیت حاصل کر رہا ہے۔

اسی مرکز میں ایک خاتون کو بطور ڈپٹی کلکٹر کی تربیت دی جارہی ہے۔ ستیش پیر کی نصف شب کو وی کے این کے اپارٹمنٹ گیا جہاں یہ خاتون ڈپٹی کلکٹر قیام کی ہوئی ہے۔

 اس نے ڈپٹی کلکٹر کے کمرے کا دروازہ کھٹکھٹایا جس پر خاتون ڈپٹی کلکٹر نے اس واقعہ کی شکایت پولیس سے کی۔ بعد ازاں منگل گری رورل ایس آئی رمیش بابو اپنے عملے کے ساتھ موقع پر پہنچے اور نائب تحصیلدار کو گرفتار کر لیا۔ پولیس نے اس سلسلہ میں معاملہ درج کرکے جانچ شروع کردی۔