سکھیش کو نہیں جانتاالزامات من گھڑت:کے ٹی آر

حیدرآباد: ریاستی وزیر وکارگزار صدر بی آر ایس کے ٹی راما راؤ نے کہا کہ وہ ملزم سکھیش چندرا شیکھر کو نہیں جانتے۔ آج سکھیش چندر شیکھر کی جانب سے ان پر لگائے گئے الزامات پر ردعمل ظاہر کرتے ہوئے ان الزامات کو مضحکہ خیز قراردیا۔

 انہوں ںے کہا کہ ایک مجرم اور ایک دھوکہ باز کی جانب سے ان پر الزامات لگائے جانا ناقابل فہم ہے۔ کے ٹی آر نے کہا کہ انہیں ان الزامات کے متعلق میڈیا کے ذریعہ پتہ چلا ہے کے ٹی راما راؤ نے واضح کیا کہ وہ سکھیش کو قطعی نہیں جانتے اور ان پر اس مجرم کی جانب سے لگائے گئے بے بنیاد الزامات کا قانونی طور پر جواب دیں گے۔

 انہوں نے ذرائع ابلاغ کو مشورہ دیا کہ وہ اس طرح کے بے بنیاد الزامات کو شائع کرنے سے گریز کرتے ہوئے اپنی ذمہ داری کا مظاہر کریں۔