چلتی بس میں ڈرائیور کو دل کا دورہ

حیدرآباد: چلتی بس میں اچانک ڈرائیورکو دل کا دورہ پڑا تاہم اس کی چوکسی سے مسافرین کی جان بچ گئی۔

یہ بس نلگنڈہ ضلع کے ملے پلی سے حیدرآباد آرہی تھی کہ ابراہیم پٹنم کے قریب ڈرائیور جس کی شناخت شنکرنائیک کے طورپر کی گئی ہے،دل کا دورہ پڑا۔

اس نے مسافرین کے تحفظ کو یقینی بنانے کی کافی کوشش کی۔اس نے سینہ میں شدید درد پر بنگالوروگیٹ کے قریب بس کو سڑک کے کنارے روک دیا اور اسٹیرنگ پر اچانک گرپڑا۔

جس کے ساتھ ہی کنڈکٹر اور بس میں سوار دیگر مسافرین نے فوری ایمبولنس کو طلب کرتے ہوئے اس کی اسپتال منتقلی کو یقینی بنایا۔

اس واقعہ کے وقت بس میں تقریبا 20مسافرین سوار تھے۔یہ بس دیورکنڈہ ڈپو کی تھی۔