بی آر ایس دور میں ریاست منشیات کا اڈہ بن گئی

حیدرآباد: چیف منسٹر نے کہاکہ بی آرایس کے دور میں ریاست منشیات کا اڈہ بن گئی۔ میں نے خود ڈگس تنازعہ کی اسپیشل انوسٹیگیشن ٹیم کے ذریعہ تحقیقات کا مطالبہ کیاتھا۔

تلنگانہ کوپنجاب بنادیا گیا تھا۔ سابق حکومت کی جانب سے تشکیل کردہ محکمہ نیاب کاغذتک محدود رہا۔ اس محکمہ کے لئے 319 افراد پر مشتمل عملہ فراہم کرنے کے مطالبہ کونظرانداز کردیاگیا تھا مگر کانگریس حکومت اس ناسور کے خاتمہ کیلئے منصوبہ بند انداز میں کام کرئے گی۔

کسی کے ساتھ رعایت نہیں کرے گی۔ منشیات کے ناسور کو قطعی برداشت نہیں کیاجائے گا۔ سخت ترین سزائیں دی جائیں گی۔

ریاست کی سرحدوں پر سخت نظر رکھی جائے گی۔ریاست کوعالمی سطح پر مسابقت کے قابل بنانے فلاح وبہبود اور ترقی کے لئے آگے قدم بڑھایں گے۔

اس مقصدمیں ہم اپوزیشن جماعتوں سے تعاون کی امید رکھتے ہیں۔چیف منسٹر نے کہاکہ وہ واضح کر ناچاہتے ہیں کہ ہم حکمراں نہیں بلکہ خدمت گزار ہیں۔ساڑھے چار کروڑ عوام کی خدمت کرنے کے مقصد سے یہاں آئے ہیں۔