ای راجندر اور کے ٹی آر ایک دوسرے سے بغلگیر

حیدرآباد: تلنگانہ قانون ساز اسمبلی کے مانسون اجلاس کا آج سے آغاز ہوا۔ موجودہ اسمبلی میعاد کا یہ اجلاس آخر ی ہے۔ آج اجلاس کے آغاز کے وقت احاطہ اسمبلی میں عجیب وغریب مناظر دیکھے گئے۔

اسمبلی کے باہر ایک دوسرے کے کٹر حریف سمجھے جانے والے قائدین ایک دوسرے کے ساتھ نہ صرف ملاقاتیں کی بلکہ بغلگیر بھی ہوئے۔

 ایوان اسمبلی میں کارگذار صدر بی آر ایس و ریاستی وزیر انفارمیشن ٹکنالوجی کے ٹی راما راؤ نے بی جے پی رکن اسمبلی ای راجندر کی نشست کے قریب جاکر ان کی خیر وعافیت دریافت کی اور ایک دوسرے سے بغلگیر ہوئے۔

 تقریباً دس منٹ تک کے ٹی آر اور ای راجندر کے درمیان بات چیت ہوتی رہی جس کو دیکھ کر ایوان میں موجود اراکین حیرت میں پڑ گئے۔