شمس آباد ایئرپورٹ کو بم سے اڑانے کا دھمکی آمیز ای میل

حیدرآباد: شہرحیدرآباد کے شمس آباد ایئرپورٹ کو بم سے اڑانے کا دھمکی آمیز ای میل موصول ہوا ہے۔

نیدرلینڈ سے شمس آباد ایئرپورٹ آنے والے طیارہ (KLM۔873) میں بم کی موجودگی کی اطلاع ای میل کے ذریعہ دی گئی۔

اطلاع ملتے ہی الرٹ جاری کیا گیا اور پائلٹ نے طیارہ کو شمس آباد ایئرپورٹ پر بحفاظت لینڈ کروایا۔ حکام نے فوری کارروائی کرتے ہوئے تمام مسافروں کو طیارہ سے نیچے اتار کر بم اسکواڈ کی ٹیموں کی جانب سے طیارہ کی مکمل اور باریک بینی سے تلاشی لی گئی جس میں یہ اطلاع جھوٹی ثابت ہوئی۔

واضح رہے کہ چند دن پہلے بھی اس ایرپورٹ کواسی طرح کے ای میلس موصول ہوئے ۔طیاروں میں بم کی اطلاع کے ای میلس کے بعد چوکسی و تلاشی لی گئی تاہم ہر مرتبہ یہ اطلاعات جھوٹی ثابت ہوئیں ۔