حیدرآباد

یوم جموریہ کے موقع پر نئی اسکیمات کا آغاز، چیف منسٹر ریونت ریڈی کا کابینی رفقا سے تبادلہ خیال

انہوں نے ریاست بھر میں کل سے نافذ ہونے والے مختلف اسکیموں جیسے رعیتو بھروسہ، اندراما آتمیہ بھروسہ، اندراما مکانات اور راشن کارڈس پر وزراء کے ساتھ تبادلہ خیال کیا۔

حیدرآباد: تلنگانہ کے وزیر اعلیٰ ریونت ریڈی نے آج حیدرآباد میں کمانڈ کنٹرول سنٹر میں اپنے کابینی رفقا کے ساتھ جائزہ اجلاس منعقد کیا۔ انہوں نے ریاست بھر میں کل سے نافذ ہونے والے مختلف اسکیموں جیسے رعیتو بھروسہ، اندراما آتمیہ بھروسہ، اندراما مکانات اور راشن کارڈس پر وزراء کے ساتھ تبادلہ خیال کیا۔وزیر اعلیٰ نے وزراء کو ان اسکیموں کو عوام تک پہنچانے کے لئے اختیار کی جانے والی حکمت عملی کے بارے میں رہنمائی کی۔

متعلقہ خبریں
آرام گھر فلائی اوور کا چیف منسٹر کے ہاتھوں افتتاح
اردو مسکن میں کیاٹ اکیڈمی کے زیراہتمام طلبہ و طالبات کے اعزاز میں تہنیتی تقریب
ویڈیو: تلنگانہ بھون میں کانگریس اور بی آر ایس کارکنوں میں تصام
عوامی اپیلوں کا فوری حل: کمشنر بلدیہ ڈاکٹر اشونی تاناجی وکڑے کی کوششیں
ورنگل پولیس کمشنریٹ میں بچوں کے حقوق کے تحفظ کے لیے مشترکہ جائزہ اجلاس

سنگاپور اور داوس کے کامیاب دوروں کے ذریعہ ریاست کے لئے سرمایہ کاری کو کامیابی سے راغب کرنے پر وزراء نے اس موقع پر وزیر اعلیٰ کو مبارکباد دی۔

بعد ازاں، نائب وزیر اعلیٰ بھٹی وکرم مارکا نے ویڈیو کانفرنس میں کہا کہ حکومت کے وعدے کے مطابق کل سے چار فلاحی اسکیموں کا آغاز ہوگا اور مارچ تک اس عمل کو مکمل کیا جائے گا۔انہوں نے کہا کہ ہر منڈل میں ایک گاؤں کو اکائی کے طور پر منتخب کرکے اسکیموں کو نافذ کیا جائے گا اور اہل افراد کواہمیت دی جائے گی۔