تکنیکی خرابی، طیارہ کی شمس آباد ایرپورٹ پر ایمرجنسی لینڈنگ

حیدرآباد: تکنیکی خرابی کے سبب وارنسی جانے والے طیارہ نے شہرحیدرآباد کے شمس آباد ایرپورٹ پر ایمرجنسی لینڈنگ کی۔یہ واقعہ منگل کو پیش آیا۔ڈائرکٹوریٹ جنرل شہری ہوابازی نے تصدیق کی ہے کہ انڈیگو طیارہ جو بنگالوروسے وارنسی کیلئے جارہا تھا میں اس کے پائلٹ نے تکنیکی مسائل کو محسوس کیا جس کے بعد پائلٹ نے طیارہ کے رخ کو حیدرآباد کے شمس آباد ایرپورٹ کی سمت موڑدیا۔

اس نے ایرٹریفک کنٹرول سے ا یمرجنسی لینڈنگ کی اجازت مانگی جو دے دی گئی۔یہ واقعہ منگل کو صبح 6:15 پیش آیا۔ڈی جی سی نے اس واقعہ کی تصدیق کرتے ہوئے کہا کہ اس طیارہ میں سوار تمام 137مسافرین محفوظ ہیں۔ذرائع کے مطابق ڈی جی سی اے نے اس واقعہ کی جانچ کے احکام جاری کردیئے ہیں۔