انگلینڈ نے ٹاس جیت کر پہلے بیٹنگ کا فیصلہ کیا

حیدرآباد: انگلینڈ نے پانچ ٹیسٹ میچوں کی سیریز کے پہلے میچ میں جمعرات کے روز ہندوستان کے خلاف ٹاس جیت کر پہلے بلے بازی کا فیصلہ کیا۔

آج یہاں راجیو گاندھی انٹرنیشنل اسٹیڈیم میں انگلینڈ کے کپتان بین اسٹوکس نے ٹاس جیتنے کے بعد کہا، "ہم پہلے بلے بازی کرنا چاہیں گے۔ اس سیریز کے لیے ہماری تیاری اچھی ہے۔

ہم چیلنجوں سے واقف ہیں کیونکہ ہندوستان ایک مضبوط ٹیم ہے۔ اسٹوکس نے گزشتہ روز ہی پریس کانفرنس میں اپنی ٹیم کا اعلان کیا تھا جب کہ ہندوستانی کپتان روہت شرما نے ٹاس کے وقت گیارہ رکنی ٹیم کا نام دیا ہے۔

ٹاس کے بعد ہندوستانی ٹیم کے کپتان روہت شرما نے کہا کہ ہم بھی پہلے بیٹنگ کرنا پسند کرنا چاہتے تھے۔ میں پہلی بار 5 ٹیسٹ میچوں کی سیریز کھیل رہا ہوں۔

کلدیپ یادو کو باہر رکھنا بہت مشکل تھا۔ لہذا، ہم اشون، جڈیجہ اور اکشر کے ساتھ میدان میں اتریں گے کیونکہ اکشر کے ساتھ ہی ہمیں بیٹنگ میں تقویت ملتی ہے۔

پہلے ٹیسٹ میچ کے لیے ہندوستان اور انگلینڈ کی ٹیم کے اراکین درج ذیل ہیں:-

ہندوستانی ٹیم: روہت شرما (کپتان)، یشسوی جیسوال، شبھمن گل، شریاس ایئر، کے ایل راہول، کے ایس بھرت (وکٹ کیپر)، رویندرا جڈیجہ، اکشر پٹیل، روی چندرن اشون، جسپریت بمراہ اور محمد سراج۔

انگلینڈ کی ٹیم: جیک کرولی، بین ڈکٹ، اولی پوپ، جو روٹ، جونی بیرسٹو، بین اسٹوکس (کپتان)، بین فوکس (وکٹ کیپر)، ریحان احمد، ٹام ہارٹلی، مارک ووڈ اور جیک لیچ۔