رام بھی چیف منسٹر ریونت ریڈی کی کرسی نہیں بچا سکیں گے، ڈی اروند کا سنسنی خیز تبصرہ

حیدر آباد: بی جے پی رکن پارلیمنٹ دھرم پوری اروند نے ایک بار پھر تلنگانہ کے چیف منسٹر ریونت ریڈی کے خلاف سنسنی خیز تبصرہ کیا۔

انہوں نے کہا کہ اس بار ریونت ریڈی چیف منسٹر کی کرسی نہیں بچا سکیں گے۔ اروند نے یقین ظاہر کیا کہ لوک سبھا انتخابات میں بی جے پی اکثریتی حلقوں پر کامیاب رہے گی۔ انہوں نے یقین ظاہر کیا کہ اس بار کم از کم 12 سیٹیں بی جے پی کی جھولی میں ہی آئیں گی جس کے بعد ریاست کی سیاست میں اہم تبدیلی ہوگی۔

اروند نے مزید کہا کہ یہ یقینی ہے کہ بی جے پی 12 سیٹیں جیت لے گی جس کے بعد رام بھی ریونت ریڈی کی چیف منسٹر کی کرسی کو نہیں بچا سکیں گے۔ انہوں نے مزید کہا کہ کرسی یقینی طور پر بدل جائے گی۔

انہوں نے کہا اب ریونت ریڈی کہہ رہے ہیں کہ اگست میں کسانوں کے قرض معاف کر دیں گے۔ انہوں نے کہا کہ میں ان سے سوال کر رہا ہوں کہ کیا ریونت ریڈی اگست تک چیف منسٹر برقرار رہیں گے؟

انہوں نے ریاست کے عوام سے وزیر اعظم نریندر مودی کے دور میں کی گئی ترقی کو برقرار رکھنا چاہتے ہیں تو انہیں صرف بی جے پی کو ہی ووٹ دینا چاہئے۔

انہوں نے واضح کیا کہ وہ لوگوں کو سمجھا رہے ہیں کہ این آر سی اور سی اے اے، یکساں سیول کوڈ کیوں ضروری ہے؟ اروند نے امید ظاہر کی کہ عام انتخابات میں بی جے پی کی سیٹوں کی تعداد میں اضافہ ہوگا۔