ڈیزل اور طیارہ ایندھن کی برآمد پر ایکسائز ڈیوٹی میں اضافہ

نئی دہلی: حکومت نے ڈیزل اور طیارہ ایندھن کی برآمد پر ایکسائز ڈیوٹی میں اضافہ کیا ہے۔

ڈیزل کی برآمد پر ایکسائز ڈیوٹی میں 50 پیسے اور طیارہ ایندھن پر تین روپے فی لیٹر کا اضافہ کیا گیا ہے۔ وزارت خزانہ کی پیر کے دیر رات جاری کردہ نوٹیفکیشن میں بتایا گیا ہے کہ نئی شرحیں 16 جون 2026 سے نافذ ہوں گی۔

برآمد کیے جانے والے ڈیزل پر ایکسائز ڈیوٹی 13.5 روپے سے بڑھا کر 14 روپے فی لیٹر کر دی گئی ہے۔ طیارہ ایندھن کی برآمد پر اب 9.5 روپے کی جگہ 12.5 روپے فی لیٹر ایکسائز ڈیوٹی لگے گی۔ وہیں پیٹرول کی برآمد پر ایکسائز ڈیوٹی 1.50 روپے فی لیٹر پر برقرار رکھی گئی ہے۔

ان شرحوں میں پچھلی بار یکم جون کو تبدیلیاں کی گئی تھیں۔ اس وقت برآمد کیے جانے والے پیٹرول پر ایکسائز ڈیوٹی 1.50 روپے، ڈیزل پر تین روپے اور طیارہ ایندھن پر 6.50 روپے گھٹائی گئی تھی۔

ایکسائز ڈیوٹی کی یہ شرحیں گھریلو فروخت پر نافذ نہیں ہوں گی۔ ساتھ ہی پبلک سیکٹر کی آئل مارکیٹنگ کمپنیوں کی جانب سے نیپال، بھوٹان، بنگلہ دیش اور سری لنکا کو کی جانے والی برآمدات پر بھی یہ شرحیں نافذ نہیں ہوں گی۔