پرجاپالنا درخواستوں کی ڈاٹاانٹری کے کام میں تیزی، رات دیرگئے تک بھی کام کی انجام دہی

حیدرآباد:تلنگانہ میں عوامی حکمرانی پروگرام کے تحت موصول درخواستوں کے ڈاٹاانٹری کام میں تیزی پید اکردی گئی ہے۔حکومت چاہتی ہے کہ اس پروگرام پر جلد عمل آوری کو یقینی بنایاجائے جس کے لئے موصول درخواستوں کی ڈاٹاانٹری کے کام میں سرعت پیدا کی گئی ہے اوررات دیرگئے تک بھی آپریٹرس یہ کام انجام دے رے ہیں۔

 بعض دفعہ سرور ڈاؤن کے مسائل کا سامنا کرنا پڑرہا تھا لیکن ڈاٹا انٹری کا عمل، جو ابتداء میں سست تھا،کو تیز کر دیاگیا۔ حکومت نے اس ماہ کی 17 تاریخ ڈاٹاانٹری کا عمل مکمل کرنے کی آخری تاریخ مقرر کی ہے۔

 بتایا جاتا ہے کہ ڈاٹاانٹری کا کام مقررہ وقت میں مکمل ہونے کی توقع ہے کیونکہ ڈاٹا انٹری کے لیے بنائے گئے تقریباً 635 مراکز میں یہ عمل متوقع رفتار سے ہو رہا ہے۔

بتایا جاتا ہے کہ دوسرے ہفتہ، اتوار اور پیر کو سنکرانتی تہوار کی تعطیلات کے باوجود ڈاٹاانٹری کا عمل بلا تعطل جاری رکھنے کی ہدایت دی گئی ہے۔ گریٹر حیدرآباد علاقہ میں تقریباً 24 لاکھ درخواستیں موصول ہوئیں۔ڈاٹا انٹری شروع ہونے کے بعد پہلے دو دنوں تک، ہر درخواست کو اپ لوڈ کرنے میں کئی گھنٹے لگتے تھے۔

 اس کے بعد تیسرے دن سے یہ عمل سست روی کا شکار رہا۔ بتایا جاتا ہے کہ آپریٹرس فی الحال کم از کم 2 لاکھ اور زیادہ سے زیادہ 3 لاکھ درخواستیں روزانہ اپ لوڈ کر رہے ہیں۔