دہلی اسمبلی انتخابات کے اگزٹ پولس جاری، بی جے پی کو بھاری اکثریت ملنے کا امکان

نئی دہلی: دہلی اسمبلی انتخابات  کیلئے چہارشنبہ کے روز پولنگ مکمل ہو گئی۔ تمام 70 اسمبلی نشستوں پر ووٹنگ کا عمل اختتام پذیر ہوا، جس کے بعد مختلف ایجنسیوں کی جانب سے ایگزٹ پول جاری کیے جا رہے ہیں۔

ایگزٹ پول کے ابتدائی نتائج میں بی جے پی کو بھاری اکثریت حاصل ہوتی نظر آ رہی ہے، جبکہ عام آدمی پارٹی  کا تقریباً صفایا ہوتا دکھائی دے رہا ہے۔ اگر یہ نتائج درست ثابت ہوتے ہیں تو بی جے پی 26 سال بعد دہلی میں اقتدار میں واپسی کرے گی۔

اس بار دہلی انتخابات میں جدید ٹیکنالوجی کا بڑے پیمانے پر استعمال کیا گیا۔ سیاسی جماعتوں نے ڈیجیٹل مہم، سوشل میڈیا، اور جدید ذرائع سے ووٹروں تک پہنچنے کی کوشش کی، جبکہ ایگزٹ پول سروے بھی بڑی تعداد میں کیے گئے ہیں۔

اب تک جاری کردہ 7 مختلف ایگزٹ پولز میں بی جے پی کو واضح برتری حاصل ہوتی دکھائی دے رہی ہے۔ جبکہ عام آدمی پارٹی کی کارکردگی مایوس کن رہی ہے۔

انتخابات سے قبل بھی کئی اداروں نے اوپینین پول جاری کیے تھے، لیکن ایگزٹ پول کے مطابق بی جے پی بھاری اکثریت کے ساتھ حکومت بناتی نظر آ رہی ہے۔

ایگزٹ پول کے نتائج:

📌 بی جے پی: 39-44 سیٹیں
📌 عام آدمی پارٹی (AAP): 25-28 سیٹیں
📌 کانگریس: 2-3 سیٹیں

ایگزٹ پول کے مطابق عام آدمی پارٹی (AAP) جو پچھلے دو انتخابات میں دہلی پر حکومت کر رہی تھی، اس بار بڑی شکست سے دوچار ہو سکتی ہے۔ دوسری جانب کانگریس جو گزشتہ انتخابات میں صفر پر تھی، وہ اس بار 2 سے 3 نشستیں جیت کر اپنا کھاتہ کھولنے میں کامیاب ہو سکتی ہے۔