سل فون کی چوری کرتا ہوافرضی پولیس کانسٹیبل گرفتار

حیدرآباد: پولیس کا لباس پہن کر موبائل فون کی چوری کرنے والے شخص کو پکڑ کر پولیس کے حوالے کردیاگیا۔

یہ واقعہ تلنگانہ کے ضلع نرمل کے کڈیم منڈل میں پیش آیا۔ذرائع کے مطابق ضلع کریم نگر کا راجو نامی شخص نے پولیس کی وردی میں ایک شخص کے سل فون کی چوری کرلی۔

وہ دوسری جگہ ایسی ہی چوری کی کوشش کررہا تھا کہ مقامی افراد نے اس کو پکڑلیا اور پولیس کے حوالے کردیا۔

جب اس سے پوچھا گیا کہ یہ وردی کہاں سے آئی ہے تو اس نے پولیس کو بتایا کہ اس نے اپنے بھائی کی وردی پہن رکھی تھی جو بطور کانسٹیبل کام کر رہا تھا۔