وزیراعلی تلنگانہ سے مشہور اداکار جونیئر این ٹی آرکی معذرت

حیدرآباد: تلگوفلموں کے مشہور اداکار جونیئر این ٹی آر نے تلنگانہ کے وزیراعلیٰ ریونت ریڈی سے معافی مانگی ہے۔

جونیئر این ٹی آر اور ہریتک روشن کی فلم ’’وار 2‘‘ کی پری ریلیز تقریب حیدرآباد میں شاندار طریقہ سے منعقد ہوئی۔

اس تقریب کے بعد این ٹی آر نے ایک ویڈیو جاری کیا جس میں انہوں نے کہا کہ اپنی تقریر میں وہ ایک اہم بات کہنا بھول گئے، اس لیے وہ معذرت خواہ ہیں۔

انہوں نے ریاستی حکومت کا خصوصی شکریہ ادا کیا کہ اس پری ریلیز ایونٹ کو اتنے شاندار اور پرامن انداز میں منعقد کرنے میں تعاون کیا۔

این ٹی آر نے وزیراعلیٰ ریونت ریڈی اور تلنگانہ پولیس کا شکریہ ادا کیا۔ انہوں نے کہا کہ حکومت نے بڑی ذمہ داری کے ساتھ ان کے مداحوں کو خوش کرنے کا موقع دیا، جس پر وہ شکر گزار ہیں۔