کالج نہ جانے پرباپ کی سرزنش، بیٹے نے پھانسی لے لی

حیدرآباد: باپ کی جانب سے بیٹے کی سرزنش کرنے پر بیٹے نے پھانسی لے لی۔یہ واقعہ تلنگانہ کے ضلع منچریال کے نمنورگاوں میں پیش آیا۔پولیس نے بتایا کہ سدھاکرکا اکلوتابیٹا یوساگر انٹرمیڈیٹ کا طالب علم تھاجوایک ماہ سے کالج نہیں جارہا تھا۔

سدھاکرنے اس کی سرزنش کی اور اس سے کہا کہ وہ تعلیم کے بدلے ملازمت تلاش کرلے۔ساگر کی بہن ہرشتااسکول سے واپس ہوئی جس نے اس کو پھانسی سے لٹکتا ہوادیکھا۔اس نے اپنے والدین کو اس بات کی اطلاع دی جس کے بعد وہ گھر پہنچے اور پولیس کو اس واقعہ سے واقف کروایا۔پولیس نے اس سلسلہ میں ایک معاملہ درج کرلیا۔