چلتی بس سے نیچے دھکیلی گئی خاتون کنڈکٹر پروالیکا کی موت، افراد خاندان کے لیے 10 لاکھ روپے امداد کا اعلان

بھدرا دری کوتہ گوڑم: تلنگانہ کے ضلع بھدرا دری کوتہ گوڑم میں تبدیلی کے پیسوں کو لے کر پیش آئے تنازع کے دوران ایک خاتون مسافر نے مبینہ طور پر خاتون بس کنڈکٹر کو بس سے دھکا دے دیا، جس کے نتیجے میں وہ شدید زخمی ہوگئی اور دورانِ علاج دم توڑ گئی۔

متوفی کی شناخت پراولیکا کے طور پر کی گئی ہے۔ اطلاعات کے مطابق، اسواپورم منڈل کے متاگڈم کی رہنے والی مائونیکا اپنے بیٹے کے ساتھ منوگوڑو کے قریب سے بھدراچلم جانے والی بس میں سوار ہوئی تھی۔

اس نے اپنے بیٹے کے ٹکٹ کے لیے کنڈکٹر کو 100 روپے دیے۔ کنڈکٹر نے 10 روپے کا ٹکٹ جاری کرتے ہوئے باقی رقم ٹکٹ کے پچھلے حصے پر لکھ دی۔

تاہم، مائونیکا نے فوری طور پر بقایا رقم دینے کا مطالبہ کرتے ہوئے کنڈکٹر سے بحث شروع کردی۔ اسی دوران اس نے مبینہ طور پر پراولیکا کو بس سے دھکا دے دیا۔

بس سے گرنے کے بعد پراولیکا پچھلے پہیوں کی زد میں آگئی، جس کے نتیجے میں اس کی دونوں ٹانگوں میں فریکچر ہوگیا اور وہ شدید زخمی ہوگئی۔

زخمی کنڈکٹر کو فوری طور پر اسپتال منتقل کیا گیا، جہاں وہ زیرِ علاج تھی۔ تاہم، ڈاکٹروں کی کوششوں کے باوجود پراولیکا دورانِ علاج جانبر نہ ہوسکی۔ اس واقعہ سے علاقے میں غم و غصہ کی لہر دوڑ گئی۔