تلنگانہ کے محبوب آباد ضلع میں دو مقامات پر آگ لگ گئی

حیدرآباد: تلنگانہ کے محبوب آباد ضلع کے دورنکل اور مری پیڈا منڈلوں میں مختلف علاقوں میں دو آتشزدگی کے واقعات پیش آئے۔

دورنکل منڈل میں اتفاقی طور پر کانٹے دار جھاڑیوں میں آگ لگ گئی۔

مقامی افراد کا کہنا ہے کہ آگ تیزی سے پھیلنے لگی۔جس نے جنگل کو اپنی لپیٹ میں لے لیا۔

دوسری جانب مری پیڈا منڈل میں آم کے باغ میں آگ لگ گئی۔ شدید آگ کے نتیجہ میں باغ جل گیا۔

مقامی افرادکا کہنا ہے کہ اس واقعہ میں آم کے 30 درخت جل گئے۔

فائر انجن کے عہدیداروں نے اطلاع ملتے ہی آگ پر قابو پالیا۔