سری نگر کے ملورہ شالہ ٹنیگ میں آتشزدگی، 5 رہائشی شیڈ خاکستر

سری نگر: سری نگر کے شالہ ٹینگ کے ملورہ علاقے میں دوران شب آتشزدگی کی ایک واردات میں پانچ رہائشی شیڈ خاکستر ہوگئے۔

محکمہ فائر اینڈ ایمرجنسی کے ایک عہدیدار نے بتایا کہ ملورہ شالہ ٹینگ میں جمعرات کی شب 10 بجے آگ لگنے کے متعلق اطلاع موصول ہوئی انہوں نے کہا کہ اطلاع موصول ہونے کے فوراً بعد تین فائر ٹنڈرس کو جائے واردات پر روانہ کیا گیا جنہوں نے آگ کو قابو میں کر لیا۔

ان کا کہنا تھا کہ آگ کی اس واردات میں پانچ رہائشی شیڈ خاکستر ہوگئے تاہم کسی جانی نقصان کی کوئی اطلاع نہیں ہے۔

حکام نے بتایا کہ آگ لگنے کی وجوہات معلوم کی جا رہی ہیں۔