سڑک حادثہ میں پانچ افراد کی موت

مدورائی: تمل ناڈو میں ویردھو نگر- مدورائی چار لین شاہراہ پر ترومنگلم کے نزدہل سڑک حادثے میں ایک ہی کنبہ کے چار افراد سمیت پانچ افراد کی موقع پر ہی موت ہو گئی۔

پولیس ذرائع نے بدھ کو بتایا کہ یہ واقعہ اس وقت پیش آیا جب کار میں سوار لوگ مندر میں پوجا کر کے گھر واپس جا رہے تھے۔ اسی وقت تیز رفتار گاڑی نے ایک دو پہیہ گاڑی کو زبردستی ٹکر مار دی جس کے بعد مخالف سمت سے آنے والی سیواراکوٹئی روڈ کار الٹ کر حادثہ کا شکار ہو گئی۔

پولیس نے مرنے والوں کی شناخت آر کنگاویل (62)، ان کی بیوی کرشنا کماری (51)، بہو ایم ناگاجوتھی (28)، ان کی بیٹی شیوا اتھمیکا (آٹھ) اور دو پہیہ گاڑی ڈرائیور پنڈی (52) کے طور پر کی ہے۔

کار میں سوار پانچ دیگر افراد زخمی ہوگئے جنہیں مدورائی کے سرکاری راجا جی اسپتال میں داخل کرایا گیا۔ زخمیوں میں ناگاجوتھی کی جڑواں بیٹی شیوا شری (آٹھ)، بیٹا شیوا ادھیتھیا (پانچ)، ولد کے منی کندن، رتھناسامی (64) ، مینا (55) شامل ہیں۔

پولیس نے کلی کوڈی پولیس اسٹیشن میں معاملہ درج کرلیا ہے۔