چیف منسٹر، پرشانت کشور کے مشوروں پر عمل پیرا: ریونت ریڈی

حیدرآباد: صدر ٹی پی سی سی اے ریونت ریڈی نے کہا کہ چیف منسٹر کے چندر شیکھر راؤ سیاسی حکمت عملی ساز پرشانت کشور کے مشوروں کے مطابق کام کررہے ہیں۔

آج اپنی پیدل یاترا کے تحت ضلع جگتیال کے متیم پیٹ میں کارنر میٹنگ سے خطاب کرتے ہوئے انہوں نے کہا کہ اگر ای ڈی کی جانب سے کویتا کو گرفتار کرنے کا فیصلہ کیا جاتا ہے کہ کے سی آر اپنے حامیوں کے ہمراہ سڑکوں پر آجائیں گے اور بڑے پیمانے پر احتجاج منظم کریں گے۔

 یہ کے سی آر کو پرشانت کشور کی جانب سے بتایاگیا حربہ ہے تاکہ کویتا کے حق میں زیادہ سے زیادہ ہمدردی حاصل کی جاسکے۔ کویتا کے مسئلہ پر بی جے پی اور بی آ رایس کو ایک دوسرے کے خلاف ڈرامہ بازی کرنے کا الزام لگایا۔

 ریونت ریڈی نے کہا کہ اگرای ڈی چاہئے تو صرف ایک گھنٹہ میں کویتا کو گرفتار کرسکتی ہے۔ انہوں نے ای ڈی سے اپیل کی کہ وہ سیاسی دباؤ میں آئے بغیر دہلی شراب اسکام کی آزادانہ تحقیقات کرے۔