تلنگانہ کی تشکیل سے صرف  کے سی آر کے خاندان کو ہی فائدہ پہنچا:راج گوپال ریڈی

حیدرآباد: کانگریس کے لیڈر کومٹ ریڈی راج گوپال ریڈی نے کہا کہ تلنگانہ کی تشکیل سے صرف چندرشیکھرراو کے خاندان کو ہی فائدہ پہنچا ہے۔انہوں نے کہاکہ عوام کی زندگیوں میں بہتری کیلئے تلنگانہ میں کانگریس کا اقتدارضروری ہے۔

کانگریس کے اقتدار میں غریبوں کی مشکلات دور ہوں گی اور نوجوانوں کوملازمتیں حاصل ہوں گی۔ راج گوپال نے کہا کہ تلنگانہ کی تشکیل پر پانی، فنڈس اور ملازمتوں کی فراہمی کا وعدہ کیا گیا تھا تاہم چندرشیکھرراو نے اس وعدہ کو پورا نہیں کیا۔

 انہوں نے کہا کہ اگر عوام اپنی زندگیوں میں بہتری کیلئے کانگریس کو ووٹ دیں ۔ انہوں نے یقین ظاہر کیا کہ متحدہ نلگنڈہ ضلع میں کانگریس 9 نشستوں پر کامیابی حاصل کرے گی۔