بنگلہ دیش کی سابق وزیر اعظم خالدہ ضیا ہاسپٹل میں داخل

ڈھاکہ: بنگلہ دیش کی سابق وزیر اعظم اور بنگلہ دیش نیشنلسٹ پارٹی (بی این پی) کی صدر خالدہ ضیا کو جمعرات کی صبح ڈھاکہ کے ایک اسپتال میں داخل کرایا گیا۔ یہ اطلاع میڈیا رپورٹس سے ملی۔

میڈیکل بورڈ کے فیصلے کا حوالہ دیتے ہوئے، ڈھاکہ ٹریبیون نے رپورٹ کیا کہ میڈم (خالدہ) کو ایور کیئر ہسپتال لے جایا گیا جہاں ان کے ڈاکٹر، پروفیسر اے زیڈ ایم زاہد حسین نے کئی جسمانی معائنے کا حکم دیا۔

بی این پی میڈیا سیل کے سیرول کبیر خان نے بتایا کہ محترمہ ضیاء اپنے گلشن گھر سے تقریباً 1.40 بجے ہسپتال پہنچیں۔ رپورٹس کے مطابق اس سے قبل 21 اگست کو محترمہ ضیا 45 دن کے علاج کے بعد ہسپتال سے گھر واپس آئی تھیں۔ میڈیا رپورٹس کے مطابق 23 جون کو ماہر سرجنز کی ٹیم نے ان کے سینے میں پیس میکر نصب کیا۔

قابل ذکر ہے کہ محترمہ ضیا طویل عرصے سے لیور سروسس، آرتھرائٹس، ذیابیطس، گردے، پھیپھڑوں، دل اور آنکھوں کے مسائل میں مبتلا ہیں۔