تلنگانہ کے پداپلی ضلع میں سڑک حادثہ میں چار افراد زخمی

حیدرآباد: تلنگانہ کے پداپلی ضلع میں پیش آئے سڑک حادثہ میں چارافرادزخمی ہوگئے۔

یہ حادثہ ضلع کے سلطان آباد میں اُس وقت پیش آیا جب لاری کے ڈرائیور نے اس کا توازن کھودیا اوریہ لاری بے قابو ہوکرسڑک کے کنارے درخت سے ٹکرانے کے بعد کئی گاڑیوں سے ٹکراگئی۔

اس حادثہ میں چارافرادزخمی ہوگئے جن میں دو شدید زخمی ہیں۔اطلاع ملتے ہی پولیس وہاں پہنچی جس نے لاری کو وہاں سے ہٹایا اور زخمیوں کو علاج کیلئے اسپتال منتقل کردیا۔

پولیس نے اس سلسلہ میں ایک معاملہ درج کرکے جانچ شروع کردی۔