چوتھے مرحلہ کی پولنگ بی جے پی کیلئے مثبت رہی:کے لکشمن

حیدرآباد: بی جے پی کے رکن راجیہ سبھا کے لکشمن نے کہا ہے کہ لوک سبھا کے چوتھے مرحلے کی پولنگ ان کی پارٹی کے لیے مثبت رہی ہے۔

انہوں نے آج صبح حیدرآباد میں ایک پریس کانفرنس میں کہا کہ بی جے پی ریاست میں ایک مضبوط طاقت کے طور پر ابھر رہی ہے۔

انہوں نے کہاکہ بی آرایس کو چوتھے مرحلہ کی پولنگ میں عوامی حمایت نہیں مل پائی ہے۔

انہوں نے الزام لگایا کہ ریاستی حکومت، عوام سے کئے گئے وعدوں کو پورا کرنے میں ناکام رہی۔ ریاست میں ایسی صورتحال بن گئی ہے کہ لوگ پانی اور بجلی کی شدید قلت سے دوچار ہیں۔

حکومت نے اس قلت کو دور کرنے اوردیگرمسائل کے حل کیلئے کوئی اقدامات نہیں کئے۔