کل جواخانے 8گھنٹے بند رہیں گے

پنجی: ایودھیا میں رام مندر کی افتتاحی تقریب کے احترام میں گوا میں پیر کے دن صبح8بجے سے تمام جواخانے 8گھنٹے بند رہیں گے۔ ایک جوا کمپنی کے عہدیدار نے اتوار کے دن یہ بات بتائی۔

گوا میں 6 آف شور اور کئی آن شور جوا خانے ہیں۔ آف شور جوا خانے جو بحری جہازوں میں بنے ہوتے ہیں‘ ریاستی دارالحکومت پنجی کے قریب دریائے منڈوی میں لنگرانداز ہیں۔

ڈائرکٹرآف میجسٹک پرائیڈگروپ سرینواس نائک نے بتایاکہ طئے پایاہے کہ پیر کے دن 8 تا4بجے تمام جواخانے بند رکھے جائیں۔

حکومت گوا پیر کے دن تمام سرکاری اور نیم سرکاری ملازمین کو ایک دن کی چھٹی کا اعلان کرچکی ہے۔