مشرق وسطیٰ
حرمین شریفین میں آج جمعہ کا خطبہ اور نماز کا دورانیہ 15 منٹ
دوسری جانب متحدہ عرب امارات میں بھی جمعہ کا خطبہ دس منٹ تک محدودکرنے کی ہدایات کی گئی ہیں، اماراتی حکام کا کہنا ہے کہ ضروری ہے کہ شدید گرمی سے انسانی جانوں کو محفوط بنایا جائے۔
مکہ مکرمہ: سعودی عرب میں شدید گرمی کی وجہ سے مسجد الحرام اور مسجد نبوی صلی اللہ علیہ وآلہ وسلم میں آج جمعے خطبے کا خطبہ اور نماز کا دورانیہ پندرہ منٹ ہے۔ سعودی خبر رساں ادارے کی رپورٹ کے مطابق سخت گرم موسمی حالات کے پیش نظر سربراہ برائے مسجد الحرام اور مسجد نبویؐ شیخ ڈاکٹر عبدالرحمان السدیس نے جمعہ کی نماز کے خطبہ کا دورانیہ پندرہ منٹ تک محدود کر دیا ہے۔
مقامی میڈیا کے مطابق یہ تبدیلی سخت گرمیوں تک جاری رہے گی، جس کے بعد سابقہ روٹین پر عمل درآمد کیا جائے گا۔
دوسری جانب متحدہ عرب امارات میں بھی جمعہ کا خطبہ دس منٹ تک محدودکرنے کی ہدایات کی گئی ہیں، اماراتی حکام کا کہنا ہے کہ ضروری ہے کہ شدید گرمی سے انسانی جانوں کو محفوط بنایا جائے۔ حکام کے مطابق گرمیوں کے دوران اماراتی صحرائی علاقوں میں درجہ حرارت پچاس ڈگری تک پہنچ چکا ہے۔
ہمیں فالو کریں
