حیدرآباد

کانگریس کے برسراقتدار آنے پر 500 روپئے میں گیس سلنڈر فراہم کیاجائے گا: ریونت ریڈی

ریونت ریڈی نے دعوی کیا کہ ریاست کے عوام اب کے چندرشیکھرراو کی باتوں پر یقین کرنے کے موقف میں نہیں ہیں۔ کے سی آر نے کہا تھا کہ وہ ایک دلت کو چیف منسٹر بنائیں گے۔انہوں نے سوال کیا کہ کیا کے سی آر پارٹی صدر کا عہدہ کسی دلت کو دے سکتے ہیں؟

حیدرآباد: تلنگانہ کانگریس کے سربراہ و رکن پارلیمنٹ نے وعدہ کیا ہے کہ تلنگانہ میں کانگریس پارٹی کے برسراقتدار آنے پر 500 روپے میں گھریلو پکوان گیس سلنڈر فراہم کیاجائے گا۔ انہوں نے تنقید کرتے ہوئے کہا کہ وزیر اعظم مودی کے دور حکومت میں اشیا کی قیمتیں دوگنی ہو گئی ہیں جو کہتے ہیں کہ یہ ڈبل انجن والی حکومت ہے۔

متعلقہ خبریں
رکن اسمبلی ماجد حسین اور فیروز خان کے خلاف کارروائی کا انتباہ
فنڈز تو مختص ہوئے، مگر خرچ کیوں نہیں؟ تلنگانہ میں 75 فیصد اقلیتی بہبود بجٹ غیر استعمال شدہ
سچے دل سے توبہ کرنے والوں کیلئے مغفرت کے دروازے کھل جاتے ہیں: مولانا حافظ پیر شبیر احمد
بھینسہ میں ریونیو ڈیپارٹمنٹ کے مسلم ملازم پر قاتلانہ حملہ، فرقہ پرست عناصر کیخلاف سخت کارروائی کا مطالبہ
ایس ایس سی امتحانات کی تیاری: مفتی ڈاکٹر حافظ صابر پاشاہ قادری کی طلبہ کو اہم ہدایات

 انہوں نے دعوی کیا کہ ریاست کے عوام اب وزیراعلی کے چندرشیکھرراو کی باتوں پر یقین کرنے کے موقف میں نہیں ہیں۔ چندرشیکھرراونے کہا تھا کہ وہ ایک دلت کو وزیراعلیٰ بنائیں گے۔انہوں نے سوال کیا کہ کیا چندرشیکھرراو پارٹی صدر کا عہدہ کسی دلت کو دے سکتے ہیں؟

ریونت ریڈی منوگوڑو اسمبلی حلقہ میں اپنی یاتھ سے ہاتھ جوڑویاترا میں مصروف ہیں۔اس یاترا کے حصہ کے طورپر انہوں نے مختلف مقامات پر عوام سے ملاقات کرتے ہوئے ان کے مسائل سے واقفیت حاصل کی۔انہوں نے اس موقع پر عوام سے وعدہ کیاکہ ریاست میں کانگریس کے برسراقتدارآنے کے بعد ان کے مسائل کے حل کو یقینی بنایاجائے گا۔