دبئی میں رفاہ گلوبل بزنس کنسلٹینسیز کے زیر اہتمام عالمی بزنس نیٹ ورکنگ تقریب
تقریب کا مقصد عالمی کاروباری برادری کو متحدہ عرب امارات میں دستیاب سرمایہ کاری کے مواقع اور کاروباری سہولیات سے روشناس کرانا تھا۔ اس موقع پر مختلف شعبوں میں نمایاں خدمات انجام دینے والی شخصیات کو اعزازات سے بھی نوازا گیا۔
دبئی: متحدہ عرب امارات کے شہر دبئی میں رفاہ گلوبل بزنس کنسلٹینسیز کے زیر اہتمام ایک شاندار عالمی بزنس نیٹ ورکنگ تقریب کا انعقاد کیا گیا، جس میں دنیا بھر سے 55 سے زائد ممتاز کاروباری اداروں اور نمایاں شخصیات نے شرکت کی۔
تقریب کا مقصد عالمی کاروباری برادری کو متحدہ عرب امارات میں دستیاب سرمایہ کاری کے مواقع اور کاروباری سہولیات سے روشناس کرانا تھا۔ اس موقع پر مختلف شعبوں میں نمایاں خدمات انجام دینے والی شخصیات کو اعزازات سے بھی نوازا گیا۔
تقریب سے خطاب کرتے ہوئے ہندوستانی نژاد حیدرآبادی بزنس لیڈر حافظ سید موسیٰ کلیم فلاحی، جو سراج فنانس میں چیف بزنس اینڈ انویسٹمنٹ آفیسر ہیں، نے متحدہ عرب امارات میں سرمایہ کاری کے وسیع مواقع اور حکومتی پالیسیوں پر روشنی ڈالی۔ انہوں نے کہا کہ یو اے ای میں کاروباری ماحول نہایت مستحکم، محفوظ اور سازگار ہے، جہاں جدید قوانین اور سہولیات سرمایہ کاروں کے لیے پرکشش مواقع فراہم کر رہے ہیں۔
اس موقع پر ایم این سلمان، سی ای او العرش، اور زکریا احمد، فاؤنڈر و سی ای او پی کیو آئی کنسلٹنسی دبئی نے بھی خطاب کیا اور عالمی سطح پر کاروباری روابط کے فروغ اور نئی شراکت داریوں کی اہمیت پر زور دیا۔
تقریب میں رفاہ چیمبر آف کامرس اینڈ انڈسٹری کی خدمات اور کاروباری معاونت کے مختلف پہلوؤں کو بھی اجاگر کیا گیا، جن میں اسٹریٹیجک پلاننگ، مارکیٹ انٹیلیجنس اور مالیاتی رسک مینجمنٹ شامل ہیں۔
تقریب کے اختتام پر رفاہ گلوبل بزنس کنسلٹینسیز یو اے ای کے صدر عرفان کوڈا نے تمام شرکاء کا شکریہ ادا کرتے ہوئے کہا کہ ایسے پلیٹ فارمز عالمی سطح پر کاروباری روابط کو فروغ دیتے ہیں اور نئی سرمایہ کاری کے مواقع پیدا کرتے ہیں۔ انہوں نے کہا کہ ادارہ جدید مشاورتی خدمات کے ذریعے کاروباری اداروں کو پائیدار ترقی اور عالمی وسعت کے حصول میں اہم کردار ادا کر رہا ہے۔
