گورنرتلنگانہ نے پبلک سرویس کمیشن کے صدرنشین اور ارکان کے استعفوں کو منظور کرلیا

حیدرآباد: تلنگانہ پبلک سرویس کمیشن کے صدرنشین اور ارکان کے استعفوں کو گورنرڈاکٹرتمیلی سائی سوندراراجن نے منظور کرلیا۔ریاست میں کانگریس کی حکومت کی تشکیل کے اندرون چند دن ہی صدرنشین تلنگانہ پبلک سرویس کمیشن جناردھن ریڈی نے استعفی دے دیا تھا۔

بعد ازاں کمیشن کے ارکان نے بھی اپنا مکتوب استعفی روانہ کردیااوراپنے مکتوب استعفی کو گورنرکو بھیج دیاتاہم گورنر نے ان کے استعفوں کوزیرالتوارکھاتھا۔ایک اہم پیشرفت میں گورنر نے آج ان کے مکتوبات استعفی کو منظورکرلیا۔ان استعفوں کے بعد نئے صدرنشین اور ارکان کو نامزد کرنے کی راہ ہموارہوگئی ہے۔