اسمبلی میں گورنر کاخطبہ حقیقت سے دور: ڈاکٹر لکشمن

حیدرآباد: بی جے پی کے رکن پارلیمنٹ ڈاکٹرلکشمن نے ریمارک کیا کہ تلنگانہ اسمبلی میں گورنر کاخطبہ حقیقت سے دور تھا۔انہوں نے پوچھا کہ کانگریس نے جن 6ضمانتوں کا وعدہ کیا ہے، ان پر کس طرح عمل کیاجائے گا، اس بات کو واضح کیا جائے۔

انہوں نے حیدرآباد میں میڈیا سے بات کرتے ہوئے کہا کہ گورنر کے خطبہ میں جن وعدوں کا ذکر کیاگیا ہے، ان پر عمل کے سلسلہ میں ان کو شبہات ہیں۔انہوں نے کہاکہ گورنر کے خطبہ میں کسانوں کے قرضہ جات کی معافی،رعیتو بندھو اسکیم کا کوئی تذکرہ نہیں کیاگیا۔

انہوں نے کہاکہ کابینہ کے پہلے اجلاس میں میگاڈی ایس سی کا اعلان کرنے کی بات کہی گئی تھی، اس کا کیا ہوا؟انہوں نے کہاکہ وعدوں پر عمل کیلئے نئی حکومت کو وہ 100دن دے رہے ہیں۔ان کو پورانہ کرنے کی صورت میں وہ عوام کی طرف سے جدوجہد کریں گے۔